Andu airi kivwai kia umunthi nimekiritwe kirore gukua na engi gutigwa na ndivangio kurumirira mutino wa varavara uria wikikirite mwena wa Radat varavarari ya Nakuru kuthii Kabarnet na uria urakuruvanitie ngari muthemba wa matatu.
Kuringana na aria meonere mutino uyu matatu irathiite mwena wa marigat kuma nakuru kavida karia dereva atere mwerekera kithiorori kia kapsacho vuva wa muguru wa ngari ino guturika na gutuma ngari ino ivingirite.
Munini wa civu Radat sub-location Dickson Ngukuba agikira kirore ndeto ino augite ngari ino irari na athii engi na engi ao mari arutwa a cukuru na aria maracokete macukururi maria mathomagira.
Aria makwirire mutinori uyu ni dereva wa matatu ino wa undumwe na murutwa umwe wa mwiritu.
Aria mativangirue nimageritie kuvirua thibitari wa marigat sub-county niguo kwamukira urigiti.
-Mwende Jackie
-Mbica irutitwe online