Cukuru cia kuthomera arutwa makinukaga kauntiri cia Mombasa na Kakamega wa undumwe na miena iria yonthe ithurano cia iturwa imwe ciarungamirue niikavingwa Njumatatu kiumia giuku tariki 29 niguo gwitikiria ithurano icio gwikika.
Minista wa kithomo Prof George Magoha umunthi uyu niwaniririte cukuru icio igakorwa igicokereria Njumaine tariki 30 vuva wa kurika kwa ithurano.
Kunari uguo, Magoha augite cukuru cia kurara nicio boarding itikavingwa.
Ino yukite vuva wa komiconi ya ithurano na mivaka IEBC muthenya wa igoro kwanirira ithurano icio igekika kiumia giuku Njumatatu.
Miena ingi iria ithurano ino igekika niundu wa giturwa kia ambunge ni gicigo mbunge gia Kitui Rural kaunti ya Kitui, icigo mbunge cia Kacheliba na Pokot South kaunti ya West Pokot na gicigo mbunge kia Rongai kaunti ya Nakuru.
Nacio wardi ni Kwa Njenga mwena wa Embakasi South kaunti ya Nairobi na Nyaki West iria iri North Imenti kaunti ya Meru.
-Mbuya Ngari-
Mbica irutitwe online
