Abdulswamad Nassir wa kiama kia ODM nike gavana muthure wa kaunti ya Mombasa kithuranori kinini kiria kirekikire vuva wa kugwata kuura 119,083 na gucinda mung’ethaniri wake wa vakuvi Hassan Omar wa UDA uria ugwatite kura 98,108.
Gukinyagia kiroko kia umunthi vakuvi kura cia icigo mbunge cionthe niirarikitie gutarwa varia Abudulswmad nike uratongoretie.
Kivitavitano kia giturwa kia gavana kauntiri ya Mombasa kiraretete vamwe ateti atano maria marameragiria mata gwoca kanya ka Hassan Joho uria urikitie miaka yake wathaniri ta gavana.
Aria maravuranagira giturwa giki ni Hezron Awiti Bolloa (VDP), William Kingi wa (PAA), Said Omar wa Usawa Kwa Wote Party, Daniel Kitsao uria urarugamite ta mundu kiumbe na Shafi Makazi ari mundu kiumbe.
Abdulswamad ari mumbunge wa gicigo mbunge kia mvita kuuma mwaka wa 2013 -2022.
Ian Murithi
Mbica irutitwe online
