Aciari arimu na arutwa nimagomanite muthenya wa umunthi kanithari wa athure Peter na Paul Karurina gukunguira muthenya wa kithomo diocesiri ya Embu.
Mambura mama mambiriritie na igongona ria mitha varia vatiri uri urugamiririte kithomo diocesiri ya Embu Victor Mbogo augite ni muthenya wa gucokeria Ngai ngatho niundu wa maumirira mega maria makoretwe kuo cukururi cia diocese ya Embu.
Mwenari wake munini wa muthikavu Vicar General Fr. Eliud Wanyoike uria utongoretie igongona ria mitha auritie arutwa vamwe na arimu gukorwa kionereria kiega kwi andu aria engi na gukorwa na mitugo miega ingikovua.
Wavo akimaririkania gwikirira wigiririki maunduri monthe makiria arutwa niguo mathereme mathomori mao.
-Wanja Njiru
