Ruvonge rwa magoti niruvete akenya mukana metheme na kumenereria igoti ria supreme kana majaji mitambori ya ukinyaniria ya kiriu.
Kuvitukira ndumiriri iria ivecanitwe muthenya wa umunthi ruvonge ruru rugite kuri na ndumiriri itari cia uma ikoretwe igitambua ai vamwe na rivoti iria irauga kwina majaji matigite wira.
Riu maugite gutiri jaji wa igoti ria supreme uvecanite marua ya gutiga wira na nwamararutithania wira mai vamwe ta mutugo.
Wauguo ruvonge rwa magoti rugite kumurikwa guku gukite vuva wa itua riria mavecanire magitikania na uvotani wa raisi mucagure William Ruto.
Riu akenya mauritue gukorwa na wetereri nikowona igoti riri nirigukorwa rikivecana wamuri na njira ndikiru wa ciira uria wakinyitue igotiri ukiregana na maumirira ma giturua kia uraisi.
-Wanja Njiru
Mbica irutitwe online