Kiama kia Democratic Action Party of Kenya nikio DAP-K nikiigite varaca na miario ya umwe wa amemba ao nike munini wa ngavana kaunti ya Kakamega Ayub Savula.
Thiini wa ndumiriri mutambori wa Twitter kiroko kia umunthi, Savula augite kwari na wigucano wa kugaana maavinya na ngavana Fernandes Barasa na wigucano ucio wacainirwe ni kiama giki kia DAP-K na kiama kia ODM.
Riu kiama kia DAP-K kiugite kiranyita ngavana Barasa mbaru na nimatecaniritie miario ya Savula.
Ndeto ino yonthe yukite vuva wa Savula kuuga ndagetwe munini wa ngavana tondu ke ni ngavana niundu nimagaukanite thirikari ya kaunti ya Kakamega maita mairi na ngavana Barasa.
Mbere ya andikite ndumiriri ino umunthi, Savula navau kavere niuraugite nigucukumwa acukumirwe gutonya munganori wa Azimio la Umoja niguo kuithema gwikua ngono niundu wa kugwata raisi muthure William Ruto mbaru.
-Mbuya Ngari-
Mbica irutitwe online
