Maavitha a vorithi kauntiri ya Kirinyaga nimaracarania na mundumurume muvuri mbiacara kauntiri iyo uria wikuiritwe gukorwa akiendia njovi cia ivango.
Civu wa Sagana, Josphat Kabinga, augite mwikuirwa arakoretwe akivirithia nambere mbiacara ino iturari ria Kamoro, Thigirici, gicigo mbunge kia Ndia.
Indo iria igwatitwe ni mivuri ya maveni, macini cia uthondeki wa njovi iyo, ikuniko cia micuva, ethanol gatagatiri ka indo ciingi.
Mwikuirwa uyu uria uramenyekana ta Wanjohi Kinyanjui, erikanite gukorwa arakomborete varia araigite mbiacara ino mieri iri mithiru.
Riu maavitha a vorithi nimavecanite mikana kuri ekari a mwena ucio, makimakania gutwarithia nambere mbiacara itari mbitikirie. Indo iria igwatitwe itwaritwe stationiri ya vorithi ya Sagana.
-Mbuya Ngari-
Mbica irutitwe online