Uria wendekithitue gutwika avithaa munene wa vorithi Eng Japhet Koome Nchebere niuthithuritie ari na utonga wa ciringi 89,932,865.
Agiikinyia mbere ya kamiti ya mbunge ya kivururi ya utongoria na ugitiri wa ndari umunthi, Koome augite agire utonga uyu kuma kuri urimi na shares cia sacco na indo ciingi iria ari nacio.
Koome endekithirue giturwari giki ni raisi William Ruto tariki 27 mweri wa kenda vuva wa avithaa munene wa vorithi Hillary Mutyambai kwamura kuritaya mbere ya termu ya utungata wake kuthira.
Koome anatungata ta komanda wa vorithi kauntiri ya Nairobi mbere ya gucagurwa ta komanda thiini wa college ya vorithi ya Kiganjo kuria thaa ino aratungata.
Angivitukua, akanyuithua muma wa uruti wira ni njanji munene vururiri Martha Koome.
-Mbuya Ngari-
Mbica irutitwe online
