Thirikari ya Kenya niirevokwa kwaramia ngwataniro yaao ya wonjoria na vururi wa South Korea niguo gutigirira nimavingura mbiacara na mieke ya mawira kuri akenya.
Ndumiriri ino irarutirwe ni mutongoria wa vururi, William Ruto akiariria akenya aria mari vururiri wa South Korea muthenya wa igoro guku akimera thirikari icio igiri ikaraniria niguo gutigirira vururi ucio niwavingura mawira mienari ikonie ukinyaniria wa kiriu, mbiacara, wigiriri na maundu ma iriari.
Ruto athiite nambere kuuga arina muvango wa guukiriria uruti wira wa andu, undu ugacungira akenya aria mari vururiri ucio kwongerereka na gukinya andu ngiri ikumi.
Muvango uyu rais Ruto arevoka ukongerera gicunji kia mbeca kiria kiumanaga na andu aria maturite nja ya vururi kuuma billioni 400,000 na gukinyia trillioni imwe miakari itano yukite.
Miario ya raisi Ruto na vururi wa South Korea niigukinyiriria urata wa thoko cia na nja cia indo iria ithondekeretwe vururiri, undu uria ugacungirira vururi wa Kenya kwendia indo nja iria ivitukithiritwe igandari na wana gutigirira manjani maria mathondekeretwe vururiri nimakinya gicunji kia mirongo itano vari igana kuma kuri gicunji kia ithano vari igana miakari itano yukite.
Levi Mutugi
Mbica irutitwe online
