Ngavana wa Kirinyaga Ann Waiguru muthenya wa umunthi nuvingurite thoko njeru ya kiriu ya nyanya ya mwigana wa million 18 tauniri ya Makutano.
Ngavana Waiguru riu auritie onjoria kwambiriria gutumira thoko ino ni kwona yakitwe na gikiro kia iguru.
Wavo akiuga thoko ino niigukorwa igitethia onjoria ta 500 aria makoretwe makiederia indo ciao mukira wa varavara nwati makithengutua guku vindi ya kwandaandurua kwa varavara ya Kenol-Sagana.
Wauguo augite thoko ino nikureta riera riega ria mbiacara nikwona ina cioro cia kiriu ,manji meganu na varia aguri makaigaga ngaari ciao.
Ngavana Waiguru wavo ongererete na kuga utongoria wake ukoretwe ukinyitirira arimi a nyanya gutigirira ni mongerera urimi ucio vawe na kugia thoko ya maketha mao.
-Wanja Njiru
Mbica irutitwe online