Avithaa umwe wa vorithi wa mutumia athiite nambere kwamukira urigitie vuva wa ngari kumukuna ari wirari.
Avithaa uyu na ritwa Salome Ndumbi niarangagira mbangi imwe tauniri ya Kagio kauntiri ya Kirinyaga riria mutino uyu wikikire.
Agikira ndeto ino kirore, komanda wa vorithi wa Mwea West sub-county Wilson Koskei, augite icaria ria ndereva uyu niriambiriritie vuva wa gukonga avithaa uyu na gutoroka akinatiga ngari vuva.
Ngari ino irikite iraumite Sagana ithiite Kagio riria itere mwerekera na kuuma varavarari.
Avithaa uyu aunikire maguru wa moiri varia avinyurirue civitari wa Kagio mbere ya kuvinyurua civitari ya Tenri Embu kuria athiite nambere kwamukira urigiti.
Koskei augite ngari ino niitwaritwe gituori kia vorithi gia Sagana.
-Mbuya Ngari-
Mbica irutitwe online
