Vururi wa Kenya niurooca makinyo marumu ma kurigiriria atengeri kuvewa mukana niundu wa gutumira ndawa cia kuongerera miiri vinya, ino ni kuringana na minister wa mithako, Ababu Namwamba.
Makiria ma atengeri 30 nimavetwe mikana kana kurugamua mwakari uyu niundu wa mavitia ma gutumira ndawa cia kuongerera vinya mwiri, varia undu uyu wivoketwe gukorwa ukiarirua muthenya wa ruciu vindi ya mucemanio wa ruvonge rwa kurua na utumiri wa ndawa cia kuongerera vinya mwiri nthi ngima undumwe na ruria rwa kumurika wigiririki thiini wa mavenya uria ugekika kuria Monaco.
Ababu augite uyu ti thina muceru na Kenya varia ikoretwe ikumurikwa ni WADA kuuma mweri wakairi mwaka wa 2016.
Wauguo augite magekira mitaratara ya gutigirira aria makoretwe makithukangia ruvonge ruru rwa mavenya nimocerwa makinyo niguo ngumo mbega ya Kenya ivote gucoka.
Kaari wa Mugendi
Mbica irutitue online
