Muvuri mbiacara umwe na ritwa Stephen Kariuki muthenya wa igoro Njumatano niurarathirwe na gukua ari gwake mucii iturari ria Karuti kauntiri ya Kirinyaga.
Mutoi umwe ararathire Kariuki uria ni wa ukuru wa miaka 41 maita matano muthenya gatagati andu a mucii wake maroretie matari na wa gwika.
Mucii uyu niuravinyuririe Kariuki civitariri ya Kerugoya Referral kuria arakuirire akiamukira urigiti.
Kariuki araumite Nairobi na kuthii mucii na akinya wa wega nwati riria maranyucaga cai na mucii wake nirio mutoi uyu wa mundumurume aratonyire nyomba na kuvecana mukana wa mathina makiria mangigeria gwitana, akiuga arari na vata na muvuri mbiacara uyu tu.
Agikira ndeto ino kirore, munene wa ruvonge rwa uthuthuria wa wikinai Kirinyaga East Sub-county nike Millicent Ochuka, augite vuva wa ntharikiro ino, mutoi uyu aratorokire atakwiya wanari kindu.
Gutimenyekanite gitumi gia kuragwa kwa mwonjoria uyu.
-Mbuya Ngari-
Mbica irutitwe online
