Murutwa umwe wa Grade 6 na uria uravatie gukorwa akithii nambere na kigeranio gia kivururi gia KPSEA kuma cukururi wa mucingi wa Kirundi kauntiri ya Tharaka Nithi niukuite vuva wa gukinyua ni rori.
Agikira ndeto ino kirore, munini wa civu wa sub-location ya Kirundi nike Isaiah Berece augite kimwana giki kwa kiracurukaga roriri ino iria irari cavariri riria matairi maramukinyire. Kimwana giki kirakuire vau vau mutinori uria urekikire igoro Njumaine kivwai.
Mwiri wa mwana uyu niuratwarirwe nyombari ya kwiga miiri ya Marimanti Level 4 uthuthuria ukigendaga nambere.
Ekari a guku merite andiki a movoro ati vuva wa kurikia igeranio cia muthenya wa igoro na uria niguo urari wa kairi igeraniori cia kivururi, kimwana giki kirathiire muvurori wa Mukungi iturari ria Karutini kuvokera muthanga roriri ino iria iramuragire.
Ekari maugite niundu wa yura riria rithiite nambere, arutwa engi mavokagira muthanga maroriri niguo kugia mbeca iria mavecaga aciari cia kugura irio.
Navau kavere komicona wa kaunti ya Tharaka Nithi Nobert Komora, niurauritie aciari gutigirira ciana ciao ningitire riria iri micii, ikithii gwika igeranio na igicoka na micii.
-Mbuya Ngari-
Mbica irutitwe online
