Athomi kuma maturari matiganite thiini wa ward ya Mbeti ya itherero gicigorimbunge kia Mbeere ya itherero nimauritie thirikari kwigua ntha na kugeria uria ingivota niguo kuvuthia ngarama ya muturire.
Makiaria na metha ya movoro ya Kimuri FM matongoretwe ni Elizabeth Mutheu na Eva Kariuki, athomi ngurani nimonanitie kieva kiria mari nakio kwona ati aciari ao matiri na uvoti mwiganu wa kumatethereria gutura uturo mwaro.
Aria maritie maugite gutigwa na vuva uthiiri wa nambere thiini wa matura mao, nigucungiririte mathina mengi maria ni vamwe na mbeu mbithi gutonyerera utumiriri wa ndawa cia ndugugio na kuremwa kuthii na mbere na mathomo.
Ian Muriithi uria wanake ni muthomi niuritie aciari kuthimagira ciana mawira maria maramava niguo kumatigariria kavinda keganu ga kuthoma.
Kithomo nikio kigananagia mwana wa muthini na wa muthamaki na uguo vari na vata wa gutigirira ciana niciagia kithomo gikinyaniru.
-Muthomi wa Njiru
-Mbica irutitwe online
