Mundurume wa ukuru wa miaka mirongo iri na inana nierutite muoyo na njira ya kwinyua kamba kiroko kia umuthi, ari kwao mucii mwena wa Mwea Kirinyaga,gukirikana itumi cia gwika uguo itiri iramenyekana.
Aikari a mwena uyu marauga mwiri wa mutigairi urakorirwo ucunjurite ni ciana iria irathakagira kiwanja kia mucii ucio.
Kuringana na Komanda wa borithi Gicigo mbunge kia Mwea Wilson Koskei,muiri wa mutigairi niutwaritwo nyumba cia kuiga miiri ya Kibugi mwena Kutus, ugietererio gwikirwo kithimi gia Post mortem.
Aikari a kaunty ya Kirinyaga nimatetete ni kuongerereka gwa ciiko cia arume kwiruta muoyo na njira nene. Mweri wa Dethemba tariki mirongo ithatu na imwe mwaka uyu, aikari a Thiba nimekorire na undu wa matigire na kimako thutha wa mundurume wa ukuru wa miaka mirongo itano na kenda gukorwo nake acunjurite mutiini ecuritie bakubi na mugunda wa mucere.
Kuringana na andu a nyumba na arata,Mutigairi ndena beana gitumi gia kwiita, no niarikaraga mabinda kwa mabinda akigwetaga ati aya kwaga kuona mwaka uyu mweru.
–Muriithi Amos-
Mbica irutitwo online
