Aturi a kaunti ya Kirinyaga nimatete ni kwongerereka gwa ciiko cia kwiruta muoyo ino ni vuva wa mundumurume wa ukuru wa miaka 26 kwiruta muoyo vuva wa kwimwa mbeca cia kugura vangi ni nyina .
Mutigairi na uria uramenyekanaga ta Peter Mwangi arerikana gukorwa arecuririe kuria arakomborete myomba tauniri ya kagio utuku wa igoro .
Komanda wa vorithi wa Mwea West Wilson Koskei agikira kirore ndeto ino augite ndeto ino iripotirwe ni nyina na uria uramenyekana ta Teresiah Wanjiru kimani kivwai kia umunthi thiini wa stationi ya vorithi ya Kiamaciri.
Wauguo augite maavitha a vorithi nimekinyirie mwena ucio na kwithiriria mwiri wa mutigairi ucurite turaciri.
Kuringana na komanda koskei ngucanio nini gatagatiri ka nyina na mutigairi niiratuthukire ,mutigairi agitia nyina mbeca cia kugura vangi varia nyina araregire.
-Mwende Jackie
-Mbica irutitwe online
