Senata wa kaunti ya Embu Alexander Munyi Mundigi niuritie maavitha a ugitiri kwirutaniria mbarari ya njovi cia ivango na utumiri wa ndawa cia ndugugio maturari.
Miario ya Mundigi yukite wariria kumenyekanite kuri na iravu imwe mwena wa Karie na matura maria marigicirie wardiri ya Mavuria iravirithia nambere mbiacara ino mavinda monthe muthenya wana utuku.
Phineas Muturi mwikari wa Karie augite ciana nyingi niiraurira unyuiri uyu wa njovi niundu gutiri na mawira mengi ma kurutwa micii kavindari gaka na uguo kuria thirikari ya kaunti gwoca makinyo maria maagiririkite.
Kavindari wa kau, senata Mundigi niuritie aciari kuivanga niundu wa uvinguri wa cukuru matikanange mbeca maunduri matari na umithio.
-Mbuya Ngari-
Mbica irutitwe online
