Avuri mbiacara thokori ya Manyatta marari na igongona ria gucokia ngatho niundu wa irathimo cia mwaka muvituku wa 2022 na kuvoya irathimo mwakari uyu muceru wa 2023.
Bernard Kinyua kana Kinyua wa Makara uria nike mwenegiti wa thoko ya Manyatta niutariritie uyu ni undu mekaga wa mwaka guku akiuga thoko ino iina uvaguki wa ugitiri varia auritie gavana Cecily Mutitu Mbarire kumekirira thitima iria igakanaga utuku mugima na gutethereria kuvurana na thina uyu.
Wauguo niugite nimaravatara kuandikirua andu athatu kutheria thoko uyu itanyari ria kuiga utheru vandu varia mararutira wira guku akiuria aria makoretwe maina mtugo wa gutaa giko thokori ino gutigana naguo.
Kinyua niutariritie maina mwivoko wa kuramatwa mwakari uyu ni thirikari ya kaunti niundu wa mathina maria marikitie gukinyia kuri gavana Cecily Mutitu Mbarire.
Kaari wa Mugendi
Mbica irutitue online
