Ekari a itura ria Mugurumari, location ya Kathangariri maramukire gicanjama kia mwanake gukorwa erutite muoyo na njira ya gwicuria mutiri.
Mwanake uyu na uria uramenyekana ta Morris Murimi wa ukuru wa miaka 38 kuuma iturari ria Kariari – Kithiruri arecuriritie muciiri uria mutumia wake, Esther Gitiri Ndwiga wa miaka 37 aumite.
Agikira mukonde gicanjama giki, civu wa Kathangariri Location, Sophia Wawira niutariritie uria avurirue thimu thaa ithatu na nuthu cia kiroko kumenyithua ngero ino.
Civu Wawira augite mundumurume uyu araurirue guka na aciari ake niguo mavote kuariria thina uria marari naguo na mutumia niundu arathiite muciiri uyu ari wenga muthenya wegoro. Mundumurume uyu na mutumia wake mavitanirie tariki 10 mweri wa December mwaka muvituku wa 2022.
Mwiri wa mwanake uyu niwocirue ni maavithaa a vorithi kuuma station ya Manyatta na kuvirwa mocari ya thivitari ya Embu level 5.
Mbeumbithi nimauritue gukorwa makiaria riria maravitukira mathina kana maina undu uramathinia vandu va kwiruta muoyo. Woni uvecanitue ni William Owino uria nike munini wa kaunti komicona kaunti nini ya Embu yeguru.
Kaari wa Mugendi
Mbica irutitue online
