Akenya nimauritwe gukorwa metho niguo kwithema na uguri wa nyama cia ngui kumana na rivoti iria ciirikanite kuri na uthinji wa nyamu icio.
Mukana uyu ukite vuva wa video gutamba nendari cia ukinyaniria varia mundu murume aroneka akithinja ngui.
Director wa motungata ma urigiti wa nyamu ruvongeri rwa ngirigaca ndagitari Obadiah Njagi augite wanagukorwa gutiramenyekana waro kuria ngui iyo irathinjagirwa, kuri na vata wa kugitira mwingi na kumera makorwe metho thuguriri cia nyama.
Ndagitari uyu augite ngui ndiri kirathiri kia nyamu iria iricagwa vururiri wa Kenya gacunjiri ga 2 thiini wa watho number 356 ka uramati wa nyama thiini wa gatiba.
Njagi augite ni mugaru na watho kuthinja na kwendia nyama cia nyamu iria itetikiritwe guku akiuga arii a nyama cia muthemba ucio mari ugwatiri wa kunyitwa ni mirimu ya nyamu iria ingimanyita kurumirira nyama itari nthime.
Kuringana na ruvonge rwa kuroria na kurigiriria mirimu (CDC), mirimu ya nyamu yumanaga na germs iria itambagua gatagatiri ka andu na nyamu.
Njagi niuritie ndagitari aria mathimaga nyama cia kuriwa ni andu gutigirira nyama cionthe iravetukirwa ithinjirori iria mbitikirie.
-Muriithi Triple M
-Mbica irutitwe online
