Mutumia wa ukuru wa miaka 38 kivwai kia muthenya wa igoro niuratharikirwe na kunyitwa kiavinya mbere ya auragitwe na mwiri wake gutewa mugundari wa mbembe nja ya thoko ya Tembwo mwena wa Sotik Kauntiri ya Bomet.
Kuringana na munene wa vorithi wa sotik Sub-county Francis Nganga mutumia uyu nwakorwe aranyitwe kiavinya mbere ya auragitwe nikwona mwiri wake ndurari na ndivangio wa cionthe.
Ekari a mwena ucio makoretwe makiuga mutumia uyu araina ciana inya na akorirwe akionwa rita ria muthia na mundumurume uria ataramenyeakana.
Civu wa mwena wa Tembwo Saphina Cheruiyot augite indo iria mutigairi aragurite na iria ni nyama , waru na mbeca irovanitwe karatathiri vakuvi na varia ngero ino irekikire.
Maavitha a vorithi authuthuria wa wiki nai a stationi ya vorithi ya Chepilat na aria marekinyirie varia ngero ino irekikire na kuvira mwiri wa mutigairi nyombari ya kuiga miiri ya Kapkatet.
-Mwende Jackie
-Mbica irutitwe online
