Makiria ma arutwa 1500 kuma gicigo mbunge kia Manyatta nimatethekete na bursary kana kigina kia kumatethereria mathomori maao kiria mavereretwe cukururi wa gukurana iveo wa Talent academy tauniri ya Embu ni mumbunge waao, Gitonga Mukunji.
Mukunji augite uvecani wake wa bursary ugakoragwa na mutaratara ngurani varia agakoragwa aina maundu monthe megii mundu uria uretia Bursary kana database niguo aria mavatarite mamukire bursary.
Akiongorera database ino igatumirua kurumiriria arutwa varia amauritie guocaga thimu mavurirua ni ovici yake na gutariria uria marathii nambere na mathina maria maravitukira.
Wauguo niuritie aria mangivota kurivira ciana ciao cukuru gwika uguo na gutigana na bursary niguo ivote gutethereria aria matari na mavinya mama.
Mukunji niuthithurite aina muvango wa kuambiriria Mentorship programme niundu wa arutwa a macukuru ma University na Colleges thiini wa gicigo mbunge kia Manyatta. Vamwe na programme ino aina itanya ria kwambiriria Resource Centre kuria Kirimari.
Kaari wa Mugendi
Mbica irutitue online
