Aria marite mbeca cia kivaro kia Embu stadium mai ugwatiri wa gwikora rumande. Miario ino yaritue ni minista wa mbeu mbithi na mithako vururiri nike Ababu Nambwamba.
Akiaria na andiki a movoro ai kivarori kia Moi stadium kauntiri ya Embu, Namwamba niaugite ni undu wina nthoni na magigi kwona athaki aria makoretwe magitumira kivaro giki makoretwe makithakira kivarori kithuku viu. Akiongorera gutiina kindu kironania giatumire milioni 180 kuthondekwa.
Vindi ya icera riri timu ya 3K Fc nimevaragiria kuthaka na timu ya Liberty kuuma Nairobi iri mechi ya National Super League.
Kavindari wakau, Nambwamba niaugite uthuthuria wa mathavu ni ugwikwa niguo kumenyeke mbeca iria ivaro itumirite kwonthe vururiri na aria makanyitikana marite mbeca cia ivaro magocerua makinyo marumu mawatho.
Kaari wa Mugendi
Mbica irutitue online
