Minista wa mithako guku vurururi, Ababu Namwamba muthenya wa umunthi niucerete kauntiri ino ya Embu kuroria kivaro kia Njukiri kiria gitanyitue kuvariria ngunguiro cia Madaraka mwakari ta uria Rais William Samoei Ruto athanire vindi ya ngunguiro cia Jamhuri day.
Kivaro kiria gikathondekwa gikarogwa kiina uvoti wa kuthakirwa mithako itiganite na gwikirira ukuria wa taranda makiria kuri mbeumbithi.
Akiamukira Ababu gavana Cecily niutariritie kiria gicangirite ngunguiro ino kuvirua mwena wa Njukiri. Gavana Cecily augite kamiti ya kuramata ngunguiro cia kivururi niyaukire Embu mwaka muvituku na ikiroria kivaro kia Embu varia monire kiri kinini na gitingivota kwiganira niundu wa ngunguiro cia Madaraka na niwagwakirue kivaro kingi giceru.
Guku akiuga mwingi wa Embu niuvatarite kwivariria kwamukira ageni kuuma mweri muku riria murandi uyu utanyitue kwambiriria.
Ababu niugite thirikari ya kaunti ya Embu niimwiririte wivariria waao kuthondeka timu niundu wa mbitika cia Talanta hela rungu rwa muvango wa Bottom up.
Kaari wa Mugendi
