Itu ria wagagu nirikunikirite atongoria amwe a thirikari ya vururi gicigori mbunge kia Mathira vuva wa macivu amwe kuuga nimavuriritwe thimu ni munini wa raisi Rigathi Gachagua, akimava mukana wa kumavuta wira niundu wa kunyita mbaru mungano wa Azimio indi ya kithurano kia mweri wa kanana mwaka muthiru.
Macivu airi aria ni George Mukabi, Dadson Ithiru na munini wa civu Burton Chiuma maugite munini wa raisi amavurire thimu utuku wa Njumatatu na kumera ni kavinda ka marivi.
Kuringana na ndumiriri iria yonekete ni andiki a movoro, munini wa raisi amavurire thimu gatagatiri ka thaa igiri cia utuku na thaa ithatu na nuthu cia utuku.
Agikira kirore ndeto ino, munini wa kaunti komicona Mathira ya irathiro Peter Gicheha niugite ino ni ndeto yao kiumbe ta macivu na munini wa raisi.
Riu macivu ama maugite mari na guoya wa kuvutwa wira vuva wa kuvurirwa thimu ni munini wa raisi.
-Mbuya Ngari-
Mbica irutitwe online
