Mwikuirwa munene wa mburango ya mweri muthiru ya mutumia wa ukuru wa miaka 21 na uria mwiri wake wethirirue utetwe mwena wa Ngata kauntiri ya Nakuru niwikitwe ngono.
Mwiri wa Angeline Mary Wangui wethirirwe tariki 12 mwaka muthiru muthenya umwe tu vuva wa kuma party ya murata wake mwena wa kabarak .
Komanda wa vorithi wa kaunti ya Nakuru Peter Mwanzo augite mwikuirwa na uria ni murutwa wa kabarak university araikirwe ngono kuria arethithite Kauntiri ya Uasin Gishu.
Wauguo augite murutwa uyu na uria ni wa ukuru wa miaka 26 akoretwe agicaranua nake kuma mweri muthiru.
Komanda Mwanzo athiite nambere na kuuga mwikuirwa uyu niwatumire mutigairi mbeca na iria ivoketwe gutumira iri tigiti niguo gwikinyia partiri iyo.
Komanda uyu wa vorithi ongererete na kuuga maavitha a vorithi monete mwikuirwa nike wari mundu wa muthia gukorwa na mutigairi mwena ucio mwiri wake wethirirwe utetwe.
Mwikuirwa agakinyua igotiri muthenya wa rucio .
Andu a vamiri ya mutigairi wauguo maugite mari na mwirigiriru kivoto kia mwana wao kigii mburago ino nigikuonekana .
Aria magerire ngero ino ya uragania nimatigire muvuko,thimu na kivandi giake varia magerere ngero ino ya unyamu.
Kithimi kia post-mortum na kiria gikitwe thiini wa mwiri wa mutigairi kionananitie mutigairi akwire kumana na gutura riera na vo niwakorirwe akinyamarua kimwiri.
-Mwende Jackie
-Mbica irutitwe online
