Mwandiki mukaru ministriini ya umemerekia na ukinyaniria Prof Edward Kisiang’ani, augite kanju ya moboro guku bururini nigukorwo igikirwo maugaruruku matiganite, niguo kwagirithia utungata wa wandiki wa moboro.
Kisiang’ani augite nimacemanitie na bonge cia moboro cia andu kiumbe niguo magwete maundu maria mangienda makorwo magikirwo ugaruruku niguo kugitira mawira mao.
Ningi niaugite nikubatii gukorwo na mawatho ma kuroria uruti wira wa bonge cia moboro cia andu kiumbe.
Ningi Kisiang’ani niagwetete muigana wa thiiri wa milioni magana mathatu ma mirongo ina na inya iria nyumba cia moboro inaguo, guku akiuga nikurabatara ubeani wa ndeto nginyaniru makiria kuri muingi.
–Muriithi Amos-
Mbica irutitwo online
