Mwonjoria umwe wa vikiviki na mundu arakuite nimakuite umunthi Njumatatu kiroko vuva wa vikiviki yao gukunana na pick-up iria irakuite miraa vakuvi na muvuro wa Naka uria uri varavarari nene ya kuma Meru kuthii Nairobi kauntiri ya Tharaka Nithi.
Murungamiriri wa timu ya gwitika moogwati kauntiri ino Alex Mugambi, augite vikiviki ino irathiite tauniri ya Chuka.
Mugambi augite mwonjoria uyu akuire vau vau na mundu uria arakuite akirikana gukua vuva wa gukinyua civitari ya Chuka County Referral.
Athiite nambere kuga ndereva wa pick-up niwikinyirie gituori kia vorithi kiria kiri vakuvi vuva wa mutino uyu uria wikikire thaa inyanya cia utuku gugikia.
Mitino ya varavara niyongererekete kauntiri ino ya Tharaka Nithi varia atwarithia a ngari na vikiviki mataritwe kwigiririka varavarari.
-Mbuya Ngari-
Mbica irutitwe online
