Aciari, amenyereri a ciana, atongoria a dini na a vururi nimauritue kugwatanira niguo kuthiria kunyamarua gwa ciana kuria kwongererekete miena ngurani.
Uyu ni mwito umanite na ndagitari Joan Mwende uria ni mwambiriria wa gikundi kia Bicon Teachers Africa kiria kivuranaga na unyamaria wa wonthe wa ciana.
Ndagitari Mwende augite kaunti ya Embu ni gatagatiri ga icigo iria unyamaria wa ciana wongererekete.
Kavindari wa kau, ndagitari Mwende niworotete aria manyamaragia ciana riria ciathii kuvoya utethio, guku akiuria mwingi kumenyithania maundu ta mama riria mekika matakwigua gwoya.
Mwenari wake mwarimu Editor Njoki Njagi uria ni mutarani, niugite nimavitukagira mathina marito riria marakinyira ivoto cia ciana nwati niundu wa wendi wa kuthondeka rucio rwa ciana, makaumiriria na muthiari kivoto gikonekana.
Riu magoti nimauritie kuthikagiriria cira ino cia ciana nevenya uria kungivoteka niguo kuva mwana uyu kivoto.
Miario ino yaritue indi ya mucemanio wa arimu aria mari gikundiri giki kia Bicon Teachers Africa, uria wikikirite mwena wa Camp Ndunda, Njukiri, kauntiri ya Embu.
-Mbuya Ngari-
Mbica irutitwe online
