Mwenegiti wa komiconi ya kuramata ithurano na mivaka, Wafula Chebukati augite niwiganirite ni uruti wira wake. Akirekerereria rivoti ya kumurika kithurano kiria giekikire mwaka muvituku wa 2022, Chebukati niutariritie maundu maria avotete kugunika namo na mathina maria avitukirikite vanduri va miaka itandatu ya utungata wake.
Chebukati niuririkanite mathina maria mavitukirue ni aruti wira vindi ya kithurano kivituku ta kuuragwa, kunyamarua na kunyitwa migwate.
Kavinda ga utungata ka Chebukati gagakinya muthia muthenya wa ruciu varia augite timu yake niivecanite kionereria kuri aria magooca iturwa ino vuva yaao guku akimendera maundu mega.
Woni unyitue mbaru ni commissioner Abdi Guliye uria wanake urathiria kavinda gake ga utungata na kuuga ndari na undu wa kwirira utungatari wake.
Mwenari wake commissioner Boya Molu augite mbunge ya kivururi iina kivarua gia gutigirira aria makathurwa gwicuria mieke yaao maina wigiririki urutiri wira waao.
Murugamiriri munene wa IEBC Marjan Hussein Marjan niugite nimagwikirira mendikithia maria mavecanitue niguo kurua na mathina maria maukanagia na ithurano.
Kaari wa Mugendi
Mbica irutitue online
