Uthuthuria uria wikitwo wonanitie kaunty ya Murang’a nio itongoretie bari atumia aria makoragwo na arume makiria ma eri a kuonana nao kimwiri.
Riboti ya rubonge rwa Kenya Demographic and Health Survey ruria rurekereirio ni Kenya National Bureau of Statistics (KNBS) umuthi, ruonanitie atumia a bururi wa kenya nimakoragwo na arume makiria ma umwe a kuonana nao kimwiri, na gicunji kia ikumi na imwe bari igana,gikirikana gukorwo atumia a kuuma Murang’a,gicunji kia ithathatu turuma ithano bari igana kuuma Kericho, guku Busia igiuka ya kathatu na gicunji kia ithathatu turuma igiri bari igana.
Mwenaini wa arume kaunty ya Migori arume aria matongoretie na gukorwo na endwa makiria ma eri na gicunji kia 28.7 bari igana,Elgeyo Marakwet 28.5 bari igana na West Pokot (27.2%).
Kabindaini okau akenya aria matigitwo ni athuri ao kana aria maumite ibikoini ciao,nio divorcees na widows, riboti irauga kwina ubotekeku wao gukorwo mena endwa makiria ma eri.
Uthuthuria wa ndari ici watabanirio kuuma mweri wa keri tariki 17, nginyagia tariki 13 mwaka muthiru wa ngiri igiri na mirongo iri na igiri.
–Muriithi Amos-
Mbica irutitwo online
