Mwiri wa Mundurume wa ukuru wa miaka 18 uria wathereririo ni mai ruini rwa Sagana kaunty ya Kirinyaga, niwonekanite thutha wa kwethwo kwa mithenya ikumi na mugwanja.
Mibango ya kwethana na mwiri wake irakinyire muthia riria athambiri a kuuma itura ria Kianjege, Gicigo mbunge Kia Ndia Kaunty ya kirinyaga, marakinyanirie ndeto ya kwethana na mwiri wake.
Andu a nyumba ya Mark Anthony Karuri magitongorio ni nyina wao Virginia Muthoni, maraburite kambi ruini rwa Sagana kwa ibinda ria thuku ikumi na mugwanja mena kigiriko kinene.
Muthoni augite mubici erekerete kwao mucii aumite gucerera ucue, riria athereririo ni mai.
Gikundi kia ethambiri kana divers kuuma Sagana magitongorio ni mundu ukurikanite ta Samuel Kanyuira, marakorire mwiri wa Antony metre 500 kuuma baria mai mamutherereirie.
Muiri wa mwanake ucio utwaritwo nyumba ya kuiga miiri iria i bakubi, guku makibariria kube Antony gitio giake kia Muthia.
–Muriithi Amos-
Mbica irutitwo online
