Ngavana wa Kericho Eric Mutai niugite thirikari niiravitukira thina kwambiriria mathomo ma Junior Secondary mutaratarari wa kithomo wa CBC.
Akiari umunthi Njumaine kiroko, ngavana Mutai augite arutwa a Junior Secondary gukorwa cukururi cia mucingi ta uria raisi William Ruto athanire, nikuravitukira mathina mengi niundu cukuru ino itiivariritie kwigana.
Raisi Ruto thiini wa watho uria arutire tariki imwe mweri wa December mwaka muthiri, niwaugire arutwa a Grade 6 aria mekire igeranio cia KPSEA mweri wa ikumi na umwe magakorwa makithii nambere na Grade 7,8 na 9 iria ni Junior Secondary, thiini wa cukuru cia mucingi.
Ngavana Mutai augite wanagukorwa thirikari niyambiriritie muvango wa kwandika arimu niguo kunyivia thina wa arimu macukururu, cukuru ino niivatie kugurirwe indo iria iravatarika niguo kithomo gikinyanire.
-Mbuya Ngari-
Mbica irutitwe online