Thirikari ya kaunty ya Nakuru nibingite thibitari ya Naivasha Level 4 niundu wa kiria mareta utongoria muuru, na kwaga kuthurima uramati wa indo iria ikoragwo thibitariini ino.
Bondi ya utongoria wa thibitari ino iratumirwo mucii thutha wa muingi kunuguna niundu wa ukunderu wa ubeani wa utungata uria igumiirwo ni mathina maingi.
Kubingwo kwa thibitari ino gukite mathaa manini thutha wa aikari a mwena uyu, kugia na mururungano makinegena niundu wa gikuu kia mutumia umwe uria akandire kuura na njira nene akibeo mwana.
Aikari a mwena uyu maiyuritwo ni matukuya maingi nimeriga kubinga barabara makionania kwaga kuiganirwo kwao, thutha wa gikuu kia mutumia wa ukuru wa miaka 23, na uria ukurikanite ta Rebecca Wangari na uria wakomete thibitariini ucio thuku ithatu thiru.
Akibeana mwerekera wigii kubingwo kwa thibitari ino, County Secretary Dagitari Samuel Mwaura, augite undu ucio ni njira imwe ya kuthondeka weru thibitari ino, na iria itungatagira andu makiria ma ngiri imwe o muthenya.
–Muriithi Amos-
Mbica irutitwo online
