Kimwana kia ukuru wa miaka kenda nikirengetwo nginyagia gukua ni macini ya guketha majani, mwena wa Cheptabes Kaunty ya Kericho.
Kuringana na mwandiki wa mungano wa rubonge rwa Kenya Plantation and Agricultural Workers Union mwena wa Kericho Dickson Sang, kimwana kiu kiraroragia macini iyo bindi ya gukethwo kwa majani,mugundaini uria niwa kambuni yuikaine ta James Finlays Tea Company.
Sang arauga mwanake uyu arendaga kumenya uria macini ino ya guketha majani irutaga wira, na araingirire majanini kuria macini ino irabitukagira niguo kuona murutire wayo wa wira.
Kiongo giake kirarengirwo mbere ya gitetwo kundu kwa uraibu wa metre iatnyibiire igana rimwe.
Sang niorotete kambuni ino niundu wa kubuthira macini ici mbere ya kwamba kuroria ugwati uria ungiumiria, ota uria mekaga bindi iyo ingi.
Kugerera ndumiriri itumiirwo nyumba cia moboro, kambuni ya manjani ya James Finlay Company nicakaite na andu a nyumba a kimwana giki, guku makiuga nimekumanyitirira ita njira imwe ya kuthaitira athara ya kuurwo ni mwana wao.
Mwiri wa kimwana giki niutwaritwo nyumbaini ya kuiga miiri ya Kericho County Referral.
–Muriithi Amos-
Mbica irutitwo online
