Muthikavu umwe kuma Kitengela na mutumia wake nimathiite methithori vuva wa kworotwa guitua mari na thina niguo ciana ciao ithomithue matakuriva wana ndururu.
Cukuru umwe mwena wa Matunguku kauntiri ya Machakos uramenyire uma vuva wa kuvurira mundu umwe uria urandikitwe ta next of kin thiini wa marua ya mwana umwe ya kuvoya utethio.
Thiini wa ivenania ria mbere, ng’ina wa ciana ino erikite guikinyia cukururi wa eritu wa secondary wa Caring Hearts mari na mwari, akiugaga ke ni mutumia wa ndigwa uriu na thina wa kuthomithia.
Ndagitari Vincent Kituku Musoo uria ni murungamiriri munene wa cukuru uyu, augite mutumia uyu niwavotire gwocerwa mwana uyu na kwambiriria kuthomithirua ke mwakari wa 2019.
Uma urecire kumenyeka vuva wa mwana wa kairi kuretwa cukururi uyu akiuria utethio wa kuthomithua, akirikana ni wa mutumia wingi uria muvunjia ari na ndugu ya wendo nja ya kiviko.
Muru wa ng’ina na ciana ino nike uraumburire uma, na uria urandikithitue ta next of kin, akiuga ithe ari mwoyo, ndeto iria itumite Musoo kuvura rivoti gituori kia vorithi akienda gucokerua mbeca iria arivire mwana wa mbere vici kuma mwaka wa 2019.
-Mbuya Ngari-
Mbica irutitwe online
