Muugano wa Azimio la Umoja One Kenya waringi nimaugite mutongoria waao Raila Odinga nike wacindire kithurano kinene kia mwaka muvituku.
Makimurika rivoti iria irutitue ni umwe wa aria mamurikite IEBC, Azimio maugite Raila acindire kithurano giki na kura 8,170,355 guku Rais William Samoei Ruto akigia kura 5,919,973.
Akiaria muthenya wa umunthi, mwandiki munene wa kiama kia Jubilee, Jeremiah Kioni augite rivoti ino yonanitie gutaina nganja Raila nike wacindire kithurano kiria giekikire tariki 9 mweri wa kanana mwaka muvituku wa 2022.
Thiini wa rivoti ino, gicunji kia 59 vari igana ya icigo mbunge itingivota gwikirirwa mukonde uuma wa maumirira nwati kiria gitaina nganja ni uvotani wa Raila aina gicunji kia 57.53 ya kura iria ciaikirue nake Rais Ruto aina gicunji kia 41.66 vari igana.
Kuringana na Kioni, maumirira ma icigo mbunge 144 nimacenjirue ni maavithaa a IEBC kuva Ruto uvotani thiini wa kivitavitano kiu kia urais.
Kaari wa Mugendi
Mbica irutitue online