Itanyari riake kugucaria utungata wake kuri ekari a kaunti ya Embu; gavana wa kaunti ya Embu, Cecily Mutitu Mbarire niuthiite nambere gucera miena itiganite kauntiri ino.
Muthenya wa umunthi gavana Cecily niurekinyitie mucemaniori wa Murue Co-operative Society, gicigori mbunge kia Runyenjes.
Gavana Cecily arekinyitie guku kuthikiriria mateta ma arimi na ekari a mwena uyu varia amauritie kugwatanira na aria marugamiririte Society itanyari ria gukuria utonga.
Wauguo nimekirite mitaratara ya gutigirira uruti wira thiini wa icigo ino niurathii nambere uria kwagiririkite. Gatagatiri ka maundu maria mekire ni gucokia murugamiriri munene uria waikitue nja na gutigirira kwiina umaniriru na wigiririki urutiri wira wa wa muthenya.
Gavana Cecily niwiranirite kunyita mbaru arimi na gutigirira uthurimi wa mathavu niwikika kuria Murue Co-operative Society na Kavutiri Coffee Millers.
Mwenari wake Dcc Wa Embu North, William Owino na uria urekinyitie mucemaniori uyu niuritie arimi kugwatanira na thirikari kwiyandikithia.
Kaari Mugendi
Mbica irutitue online
