Mumbunge wa Bumula, Jack Wamboka niwivitite kureta ndereti akimenereria munini wa rais Rigathi Gachagua niundu wa kiria augite ni wagarari wa katiba.
Akiaria vindi ya mambura ma mithako umunthi, Wamboka augite kavinda karaca ga kavuruka karia mbunge irari nako nikacerithiritie muvango wa kwinukia Rigathi niundu wa mitugo iria kuringana nake itariganite na giturwa kia urais.
Mbunge ino ya kivururi itanyitue gucokereria ciikaro tariki 13 mweri muku vuva ya kuvuruka kuuma tariki 2 mweri wa December mwaka muvituku wa 2022.
Akiongorera aina uuma niukagia namba cia kura iria igatuma Rigathi mucii niundu ndakoretwe agika maundu maria magiriritue ni mundu wii giturwari giake na koguo ndagiririte kunyitirira giturwa kiu.
Muugano wa Kenya Kwanza niguo wiina namba nene ya ambunge thiini wa mbunge ino ya kivururi na koguo ugakorwa wii undu wa kwirorerwa uria Wamboka akavota kugia namba ino cia gwikia nja munini wa rais.
Kaari wa Mugendi
Mbica irutitue online
