Arutwa 1,146 nio megwatirite grade ya A maumirirari ma kigeranio kia KCSE kia mwaka wa 2022 na maria maniriritwe muthenya wa umunthi thiini wa ovici ya kanju ya igeranio ni minista wa kithomo Ezekiel Machogu.
Uguo ni kuuga namba ya arutwa aria megwatirite grade ya A mwaka uyu niyongererekete ikirigithanua na ya mwaka muthiru varia arutwa 1,138 niyo megwatire grade ya A.
Minista wa kithomo Ezekiel Machogu augite namba ya arutwa aria megwatirite grade ya kumavira university na iria ni C PLUS kuthii iguru ni 173,345 .
Minista Machogu niwaniririte namba ya arutwa aria megwatirite grade ya DPLUS kuthii iguru na Grade ya E..
Niguo kwiroreria maumirira maku tuma kiugo KCSE kirumiriritue ni namba yaku ya Index kuri 20076.
Arutwa ngiri 884, 263 nio mekarire kigeranio kia KCSE kia mwaka wa 2022 kuma kuri namba ino arutwa 405,962 mari anake nao arutwa 420,845 mari eritu
-Mwende Jackie
-Mbica irutitwe online
