Mumbunge wa Manyatta, Gitonga Mukunji muthenya wa umunthi niuthiite nambere na muvango wa kumurika aria matumite marua makienda kuvewa bursary.
Akiaria ari cukururi wa secondary wa Muvandori, Mukunji augite niwikiririte muno kuvecana bursary ino kuri ciana iria ciina mawathe, cia ndigwa na iria itevotete itanyari ria gutigirira wa mwana niwavota kuthii nambere na mathomo make.
Mukunji niuvecanite mwito wake kuri thirikari wigii kigina giki kia bursary varia endekithitie kigina giki kuongorerwa na kuvecanwa kuringana na wingi wa andu thiini wa gicigo mbunge. Guku agikanyiriria akavira ndereti ino mbungeri ya kivururi macokereria ciikaro mweri muku.
Gukinyagia riu gicigo mbunge kia Manyatta kiina marua makiria ma ngiri 9 iria itumitue andu makivoya bursary.
Wauguo Mukunji niwendikithitie gucenjua kwa njera ya Majimbo kuvecana mweke wa gwakwa kwa nyomba cia thogora wa nthi undumwe na uthii wanambere wiingi.
Kaari wa Mugendi
Mbica irutitue online
