Igongona ria gukunurwa na gwikarirua giti gwa muthikavu muceru wa diocese ya Kitale, Rt Rev Henry Juma Odonya nirirathii nambere kivarori kia monania ma urimi kuria Kitale varia riambiririe na mitha.
Igongona riri ritongeretue ni murugamiriri wa vava mutheru guku vururiri, muthikavu munene Hubertus Matheus Maria Van Megen.
Marua kuuma kuri vava Mutheru kuri vatiri Henry kuthurwa gutika muthikavu wa Kitale niithomirue na nthiomi ithatu; Kithungu, kithwairi na kiitaliano.
Wauguo niuvecanite mataro make kuri muthikavu Henry varia amuririe gutungatiri andu a Ngai atari na wiyendi na kuramata uthingu.
Muthikavu Henry uria wiina miaka 46 aciarue tariki 10 mweri wa December mwaka wa 1976. Akunurirue gutuika deacon aina miaka 28 tariki 11 mweri wa gatandatu mwaka wa 2005.
Ngathi ya uvatiri averwe aina ukuru wa miaka 29 tariki 25 mweri wakiri mwaka wa 2006. Athurirue guoca giturwa giki kia muthikavu wa diocese ya Kitale ni vava mutheru Francis tariki 4 mweri wa ikumi na imwe mwaka wa 2022.
Kaari wa Mugendi
Mbica irutitue online
