Mutongoria wa muugano wa Azimio La Umoja, Raila Odinga niwendekithitie rais Ruto vamwe na atongoria onthe aria mari thirikariri ya Kenya Kwanza gutiga wira.
Akiaria muthenya wa umunthi ari Kamukunji Gardens,muciiri wa Nairobi, Raila niuthite nambere gukanyiriria kithurano kia mwaka muvituku nikiairue kwenderera rais Ruto.
Niuthite nambere kuuga thirikari ya Kenya Kwanza ndina kivoto kia kwathana niundu mari wathaniri mugaru na watho. Guku akiongorera ta muugano wa Azimio la Umoja One Kenya marendikithia gutiga wira gwa thirikari ya Kenya Kwanza.
Guku akiuria aria maranyita mbaru muugano uyu kuregana na wathani wa kiama kia UDA varia augite ari vamwe na aria maramunyita mbaru matiratambura Rais Ruto ta mutongoria wa vururi uyu undumwe na atongoria aria engi mari oviciri.
Raila aritie miario ino vuva ya gucoka guku vururiri guku akiramata rivoti irigite kurutwa kiumia kivituku ikiuga nike wacindire kithurano gia tariki 9 mweri wa kanana mwaka muvituku wa 2022.
Kaari wa Mugendi
Mbica irutitue online
