Munene wa nthitango cia mwingi niuthengutitie igotiri cira ya ungumania wa ciringi billion 1.1 iria irakuruvanagua na uria wari avithaa munene wa NHIF Geoffrey Mwangi.
Ino yukite wariria cira cia ungumania cia atongoria matiganite a ngathi ya iguru iria ciambiririrue indi ya utongoria wa uria wari raisi Uhuru Kenyatta ithiite nambere kuthengutua magotiri.
Munene wa nthitango cia mwingi athengutitie igotiri cira uyu uria wambiririe mwaka wa 2018, akiuga gutira na uira mwigana uvecanitwe wonantie Mwangi niwavecanire kandarathi na njira cia ngungo kuri kambuni ya Webtribe.
Mwangi riu ni gatagatiri ka aria mathengutiritue cira cia ungumania magotiri ari vamwe na munini wa raisi Rigathi Gachagua, minista wa urimi Mithika Linturi, minista wa Gender na mootungata ma mwingi Aisha Jumwa, aria mari madirector a kambuni ya utambia wa thitima vururiri Kenya Power nimo Ken Tarus na Ben Chumo, gatagatiri ka engi.
-Mbuya Ngari-
Mbica irutitwe online