Kiama kia mawakiri guku bururini LSK mari na unyitaniri na Transparency International Kenya nimathiite igotini makiregana na kwamurwo kwa gavana wa tene wa kaunty ya Kiambu Fedinard Waititu, na uria uikaine ta Baba yao ta mu memba wa Nairobi Rivers Commission. Abandia cira uyu marauga Waititu ndakinyaniirie ikiro cia kwamurwo ni mutongoria wa bururi, ona kana kugerera utari wa munene wa watho, ona kana gutungata wabici oyothe.
Riu bonge icio cieri irenda igoti kugiria Waititu kuingira wabici thiini wa komishoni ino, ona kana wabici oyothe.
Mweri wa Decemba mwaka muthiru Waititu ,amuritwo ni Raisi Ruto gutungata eta mumemba wa Nairobi Rivers Commission.
Komishoni ya Mai ma Nairobi Rivers Commission yathondekirwo ni Raisi Ruto iri na Dr. Pamela Olet, eta muikariri giti bamwe na murugamiriri Dr. Mumo Musuva mwenaini wa Nairobi City County,bamwe na Ms. Grace Senewa Mesopir kuuma ministryini ya mititu na maria maturigiciirie.
–Muriithi Amos-
Mbica irutitwo online
