Uria wari minista wa kithomo Prof George Magoha niakuite aina ukuru wa miaka 71 thivitariri ya Nairobi vuva ya kugia murugamo wa ngoro.
Agikira kirore gikuu giake mutumia wake ndagitari Barbara Magoha augite atengerirue thivitariri uyu vuva ya kugwaa gwake mucii.
Gikuu giake giukite mithenya minini vuva yake kuanirira gucokereria gwake cukururi wa Maseno University aita professor wa uthinjani cukururi waao wa Medicine.
Magoha niucakaitwe ni atongoria matiganite matongoretwe ni Rais William Samoei Ruto uria ugite, vururi niuriritue ni mundu wacangire vanene ruvongeri rwa kithomo, arari wa mwanya na ndungata nene.
Uria wari rais, Uhuru Muigai Kenyatta niugite Magoha niutigite ngumo nene utungatari wa mwingi.
Mwenari wake mutongoria wa Azimio la Umoja One Kenya, Raila Odinga augite Magoha arari mutongoria wa kureta mogaruruku na mundu urerutirite wirari wake.
Magoha atigite mutumia wake, Ndagitari Barbara Magoha na muvici Ndagitari Michael Magoha.
Kaari wa Mugendi
Mbica irutitue online
