Ngavana wa kaunti ya Embu Cecily Mutito Mbarire niucakaite gikuu kia uria wari minista wa kithomo Prof George Magoha akiuga akoretwe ari mutongoria mwirutiri na urari na wendi wa gutungata akenya ngathiri itiganite.
Mbarire augite Prof Magoha ndakariganira kauntiri ya Embu niundu niwanyitire itemi gutethereria gukura kwa university ya Embu na akaririkanwa kuvitukira library ya university ino, iria yetirwe na ritwa riake.
Ngavana Mbarire niuvoerete mucii wa Magoha niguo Mwathani amaumiririe.
Prof George Magoha arakuire igoro Njumaine kivwai ari na ukuru wa miaka 71 civitariri ya Nairobi vuva wa kugia murungamo wa ngoro.
-Mbuya Ngari-
Mbica irutitwe online
