Raisi William Ruto niacoketie miario ya mutongoria wa Azimio la Umoja Raila Odinga, ndetoini igii atongoria anene a IEBC gukorwo agicerera makomishnas amwe, bindi ya kithurano kinene kia mwaka muthiru.
Ndeto ino yukite bindi ya mucemanio wa muingi wa muthenya wa ira, mwena wa Jakaranda, akiuga muikariri giti wa IEBC Wafula Chebukati na komishnas Abdi Guliye na Boya Molu, kwirikana nimacerete mucii kwa Raisi Ruto riria kithurano kiathiaga na mbere.
Muthenya wa umuthi Raisi Ruto niacoketie miario ino.Akiaria bindi ya kigomano kia ikumi na gatandatu kia muungano wa acirithania nikio Conference of Africa Prosecutors association,Ruto oritie Raila kugweta gitumi akue ibinda rinene kuuria uguo, undu uria atekire mbere ya igoti riria ciira wa ithurano wathiaga na mbere igotini itugiru.
Ruto augite niegutigirira niagacirithia wiathi wa bonge iria ciirugamitie nicio independent instituitions oro undumwe na kweberia ndeto igii kubuthika gwacio na njira iria itagiriire.
Akiongerera Raisi Ruto augite niekuthii na mbere na kunyita mbaru obici ya mutongoria wa thitango cia muingi, niguo gutigirira nimaruta wira wao uria kwagiriire.
–Muriithi Amos-
Mbica irutitwo online
