Ekuirwa ana nimathengutiritue nthitango cia kuraga Edwin Kipruto na uria wecikene muno ta Chiloba, vuva wa uthuthuria kurika.
Wakiri Anthony Fedha umunthi Njumaine erite igoti ria Eldoret ati uira uria wonganitue urorota mwikuirwa munene Jacktone Odhiambo uria riu ugetika nthitango cia uragani.
Mwena wa nthitango wavo wirite igoti, athatu a ekuirwa aria mari rungu rwa miaka 18, magakoragwa magiikinyia oviciri cia DCI rita rimwe wa mweri vari mieri ithatu niguo kuvungwa mavuri makiria.
Mwiri wa Chiloba wethirwe utetwe varavarari ya kuma Kipenyo kuthii Kaptinga uri boxiri ya cuma iturari ria Mokombet kauntiri ya Uasin Gishu.
Maavitha a vorithi maugite mamukire ndumiriri kuma kuri onjoria a vikiviki aria monete ngari na iria numba plates ciayo ciathithitwe, igita box ya cuma varavarari iyo.
-Mbuya Ngari-
Mbica irutitwe online
